24.03.2026 
Веб-сајтовите на институциите од јавниот сектор често претставуваат прва точка на контакт помеѓу граѓаните и јавните услуги. Сепак, значителен број граѓани – особено постарите лица, лицата со попреченост и корисниците со ограничени дигитални вештини – сè уште се соочуваат со потешкотии при користење на овие дигитални услуги.
Во таа насока, проектот WebEmpower организира работилница наменета за администраторите на веб-сајтови во јавниот сектор со цел да се истражи како едноставни и практични подобрувања во дигиталната пристапност можат значително да ја зголемат употребливоста на јавните услуги за сите граѓани – особено за лицата со попреченост и постарите лица.
Детали за настанот:
-
Датум: 24 март 2026 година
-
Време: 9:30-11:30 часот
-
Место: Амфитеатар на ФИНКИ, Скопје
-
Јазик: Англиски
Работилницата ќе им овозможи на учесниците да:
-
се запознаат со значењето и актуелноста на дигиталната пристапност како сè поважен европски стандард;
-
разберат на кој начин пристапноста придонесува за подобра употребливост, транспарентност и доверба на граѓаните во јавните услуги;
-
се информираат за најчестите бариери за пристапност присутни на веб-сајтовите;
-
добијат практични насоки за чекорите што можат да ги преземат за подобрување на пристапноста на своите дигитални услуги.
Предавачи:
-
Antun Smerdel – експерт за дигитална пристапност со оштетен вид од Словенија и долгогодишен аналитичар за пристапност.
-
Maša Malovrh – експерт за дигитална пристапност и раководител на секторот за пристапност во организацијата Beletrina (партнер на проектот од Словенија).